မေးခွန်း -- ရိုသေစွာလျှောက်ထား မေးမြန်းအပ်ပါသည် အရှင်ဘုရား။ လူမိန်းမတို့ သီလရှင်ဝတ်ခြင်း ကို မြတ်စွာဘုရားက ခွင့်ပြုခဲ့ပါသလား ဘုရား။ ယောက်ျားသားတို့ အနေနဲ့ သီလရှင်းအား ရှိခိုးထိုက်၊ ဘုရားထူးခြင်းများ ပြုအပ်ပါသလား။ ရဟန်းတု၊ ရဟန်းယောင် များကို၊ ရဟန်းအစစ်ထင်၍လှူဒါန်းပြုလျှင် ကုသိုလ်ရနိုင်ပါသလား။ မသိနားမလည်၍ မေးမြန်းလျှောက်ထားရခြင်းဖြစ်ပါသည်..။
အဖြေ- သီလရှင်ဝတ်ဘို့ မြတ်စွာဘုရား ခွင့်ပြုသလားဆိုတာကို မပြောခင်မှာ ဘုရားရှင်လက်ထက်နဲ့ အဲ့ဒီနောက်အတန်ကြာတဲ့အထိ ဗုဒ္ဓသာသနာ သမိုင်းမှာ ထင်ရှားရှိခဲ့တဲ့ ဘိက္ခုနီနဲ့ သိက္ခမာန် အကြောင်းကို နည်းနည်းပြောပြသင့်ပါတယ်။။ အဲ့ဒါဆိုရင်ပိုပြီးရှင်းသွားပါလိမ့်မယ်..။
ဘိက္ခုနီ
ဘိက္ခုနီ ဆိုတာ ရဟန်းမိန်းမပါ.။ သိမ်ထဲမှာ၊ ကမ္မဝါစာဖတ်ပြီး ပထမဘိက္ခုနီသံဃာထံမှာ တစ်ကြိမ်၊ ဒုတိယ ဘိက္ခုသံဃာထံမှာ တစ်ကြိမ် ပေါင်း ၂ ကြိမ် ခံရပါတယ်။ မိထွေးတော် ဂေါတမီအပါအဝင် ရှေးဦး ဘိက္ခုနီတွေကတော့ မြတ်ဗုဒ္ဓရဲ့ အထူးခွင့်ပြုချက်နဲ့ ဘိက္ခုနီဖြစ်လာကြလို့ ခြွင်းချက်ပေါ့။ ယနေ့ခေတ် ဘိက္ခုတွေရဲ့ သင်္ကန်းပုံစံအတိုင်းပဲ ဝတ်ရုံကြရတယ်.။ ဘိက္ခုနီတွေဟာ ပိုတာ ကအပေါ်ပိုင်းမှာ ရင်စည်း သင်္ကန်းတိုနဲ့ အောက်ပိုင်းမှ အတွင်းကခံဝတ်တဲ့ ဥတုနှီးလို့ခေါ်တဲ့ သင်္ကန်းတစ်မျိုးပါပဲ။ ဘိက္ခုတွေရဲ့ သိက္ခာပုဒ် ၂၂၇ ပါး။ ဘိက္ခုနီတွေရဲ့ သိက္ခာပုဒ်က ၃၁၁ ပါး။ ၈၄ ပါး ကွာတာပေါ့..။
သိက္ခမာန်
ဘိက္ခုနီမပြုခင်မှာ ငါးပါးသီလနဲ့ ဝိကာလဘောဇန (နေမွန်းလွဲမစား)ဆိုတဲ့ သိက္ခာပုဒ် ၆ ပါးကို စောင့်ထိန်းပြီး ၂ နှစ်နေရသေးတယ်..။ အဲ့ဒီလိုနေဆဲကာလမှာ သိက္ခမာန် လို့ခေါ်တယ်။ ယနေ့ခေတ် သီလရှင်တွေ ရဲ့ရှေ့ပြေးလို့ဆိုနိုင်မလားပါဘဲ.။ ဒါပေမယ့်လူဝတ်ကြောင် အဝတ်အစားနဲ့ ခေါင်းမရိတ်ဘဲ နေနိုင်တယ်..။ သိက္ခမာန် ၂ နှစ်မလုပ်ရင် ဘိက္ခုနီ ပြုခွင့်မရှိဘူး။ တောင်းပိုင်း( ထေရဝါဒ) ဗုဒ္ဓသာသနာ အစဉ်အလာမှာ သိက္ခမာန် တွေနဲ့ ဘိက္ခုနီတွေ ခပ်စောစောကပင် ကွယ်ပျောက်သွားပုံရတယ်လို့ သုတေသီ တို့ဆိုတယ်..။
သီလရှင် ဘိက္ခုနီမပြုခင်မှာ ငါးပါးသီလနဲ့ ဝိကာလဘောဇန (နေမွန်းလွဲမစား)ဆိုတဲ့ သိက္ခာပုဒ် ၆ ပါးကို စောင့်ထိန်းပြီး ၂ နှစ်နေရသေးတယ်..။ အဲ့ဒီလိုနေဆဲကာလမှာ သိက္ခမာန် လို့ခေါ်တယ်။ ယနေ့ခေတ် သီလရှင်တွေ ရဲ့ရှေ့ပြေးလို့ဆိုနိုင်မလားပါဘဲ.။ ဒါပေမယ့်လူဝတ်ကြောင် အဝတ်အစားနဲ့ ခေါင်းမရိတ်ဘဲ နေနိုင်တယ်..။ သိက္ခမာန် ၂ နှစ်မလုပ်ရင် ဘိက္ခုနီ ပြုခွင့်မရှိဘူး။ တောင်းပိုင်း( ထေရဝါဒ) ဗုဒ္ဓသာသနာ အစဉ်အလာမှာ သိက္ခမာန် တွေနဲ့ ဘိက္ခုနီတွေ ခပ်စောစောကပင် ကွယ်ပျောက်သွားပုံရတယ်လို့ သုတေသီ တို့ဆိုတယ်..။
ဖန်ရည်စွန်း အဝတ်ကိုမြတ်နိုးကြတဲ့ထေရဝါဒနိုင်ငံက ဗုဒ္ဓဝါဒီအမျိုးသမီးတွေဟာ သံဃာတော်တွေကို အားကျပြီး အတုယူကျင့်သုံးရာကနေ သီလရှင်သာသနာ ထွန်းကား လာတာ ဖြစ်ဖွယ်ရှိပါတယ်။မြတ်ဗုဒ္ဓလက်ထက်က သီလရှင်ဆိုတာ မရှိပေမယ့် ဘိက္ခုနီပြုဖို့တောင် ခွင့်ပြုခဲ့သေးတာပဲ။ သီလရှင်တွေဟာ ရှစ်ပါးသီလကိုပဲ စောင့်ပေမယ့်ဒီထက်ပိုပြီး အများကြီးနက်ရှိုင်း ပါတယ်..။
အလှအပနဲ့ မာန်မာနကို ခဝါချပြီး.. နိက္ခမ္မပါရမီ ဖြည့်ကျင့်နိုင်ကြလို့ သီလရှင်တစ်ပါးရဲ့ ဘဝဟာ အင်မတန် ကြည်ညိုလေးစားစရာ ကောင်းပါတယ်။ သီလရှိသူအနေနဲ့ ရိုသေပူဇော်ရှိခိုးကြရာမှာ ကျား၊မ ခွဲခြားမှုမရှိပါဘူး..။ သီလဂုဏ်ရည်ကို မြတ်နိုးဦးတင်တာပါ..။
အလှအပနဲ့ မာန်မာနကို ခဝါချပြီး.. နိက္ခမ္မပါရမီ ဖြည့်ကျင့်နိုင်ကြလို့ သီလရှင်တစ်ပါးရဲ့ ဘဝဟာ အင်မတန် ကြည်ညိုလေးစားစရာ ကောင်းပါတယ်။ သီလရှိသူအနေနဲ့ ရိုသေပူဇော်ရှိခိုးကြရာမှာ ကျား၊မ ခွဲခြားမှုမရှိပါဘူး..။ သီလဂုဏ်ရည်ကို မြတ်နိုးဦးတင်တာပါ..။
ရဟန်းအတု
ဗုဒ္ဓရဲ့ အဆုံးအမမှာ စိတ်ထားတာ အရေးကြီးပါတယ်.။ ရဟန်းတုကို ရဟန်းစစ်အမှတ်နဲ့ စိတ်ထဲက လှိုက်လှိုက်လှဲလှဲ ကြည်ညိုပြီး ရိုသေ ပူဇော်မှုပြုရင် အကျိုးဖွဲ့ဖြိုးမှု နည်းနိုင်ပေမယ့် အကုသိုလ်တော့ မဖြစ်ပါဘူး..။ ရဟန်းတုမှန်းသိရင်တော့ လျစ်လျူ ရှုထားလိုက်ပါ..။
