မုန့်ကြာစေ့လုပ်နည်း

ပါဝင်ပစ္စည်းများ


၁။ ကောက်ညှင်းမှုန့် – နို့ဆီဗူး ၄လုံး
၂။ ဆန်မှုန့် – နို့ဆီဗူး ၁လုံး မှတ်ချက် ။ ကောက်ညှင်းမှုန့်နဲ့ ဆန့်မှုန့်သည် လေးချိုး ၁ချိုးဖြစ်သည်။
၃။ ထန်းလျက်ခဲ – ၃၀၀ ဂရမ်
၄။ အုန်းသီး – တခြမ်း (ခြစ်ထားပေးပါ)
၅။ ဆား – လက်ဖက်ရည်ဇွန်း သုံးပုံ၁ပုံ -

ချက်ပြုတ်နည်း

၁။ အရင်ဆုံး ဇလုံတစ်ခုထဲတွင် (ကောက်ညှင်းမှုန့်၊ ဆန့်မှုန့်)ကို ရောမွှေလိုက်ပါ။
၂။ ပြီးလျှင် ရေ(၅၀၀ ml) ကို နည်းနည်းခြင်းထည့်ကာ မုန့်သားများကို မပျော့မမာ အနေထားရောက်သည်အထိ နုယ်ပေးပါ။
၃။ ထို့နောက် မုန့်ကြာစေ့အတွက် ပုံတွင် ပါသည့်အတိုင်း မုန့်လုံး သေးသေးလေးတွေ လုံးပေးပါ။
၄။ ဒယ်အိုးကြီး တစ်ခုထဲသို့ ရေများများထည့်ကာ အဖုံးအုပ်က ရေပွက်ပွက်ဆူသည်အထိ တည်ထားပေးပါ။
၅။ ရေနွေးဆူလာလျှင် လုံးထားသည့် မုန့်လုံးများကို လောင်းထည့်ပေးပါ။
၆။ ခဏကြာလျှင် မုန့်လုံးများ ရေပေါ်ပေါ်လာလျှင် ဇကာဖြင့် ပြန်ဆယ်ပေးထားပါ။
၇။ မုန့်လုံးများ ရပြီဆိုလျှင် ထန်းလျှက်ခဲများကို ရေဖြင့် မပျစ်မကျဲအနေထား ကျိုထားပေးပါ။
၈။ ပြီးနောက် မုန့်လုံးများ၊ ဆားကို ထည့်ကာ ခဏကျိုပေးပြီ အုန်းသီးခြစ်လေးများ ဖြူးပြီ မုန့်ကြာစေ့ပူပူလေးကို စားသုံးနိုင်ပါပြီ..


Source: Wutyee Food House